Ötən ilin iyununda Azərbaycanda dolların kəskin ucuzlaşması nəticəsində 1 ay ərzində əhali tərəfindən kommersiya banklarına satılan nağd ABŞ dollarının həcmi 40,2%  artmışdı. Hazırda isə əksinə nəğd dollar alanların sayı artır. Valyuta dəyişmə məntəqələrində deyirlər ki, buna Azərbaycanda son həftələrdə  dolların  məzənnəsinin digər valyutalara nisbətən kəskin möhkəmlənməsi səbəb olur.

Avronun kəskin dəyər itirməsi isə ona tələbatı azaldıb. 1 dolları 0,8035 manatadək yüksəldiyi halda, 1 avro 1,1152 manata düşüb. Manat dollara nisbətdə cüzi zəifləsə də  valyuta dəyişmə məntəqələrində daha çox manata tələbatın olduğunu söyləyirlər.

Mərkəzi bankın məlumatına görə isə, son 1 il ərzində Azərbaycan əhalisi nağd dolların alışını 17% artırıb.

İqtisadçı ekspert Cümşüd Nuriyev hesab edir ki, dolların məzənnəsinin möhkəmlənməsi və ona tələbatın artması müvəqqətidir.