Azərbaycanda qaz təchizatında yeni dövr başlayır.

"Azəriqaz"-ın Dövlət Neft Şirkətinə birləşdirilməsi ilə başlayan islahatlar davam edir. Hədəf Avropa standartlarına uyğun xidmət verməkdir. Bu məqsədlə Avropanın nüfuzlu Neon şirkəti ilə əməkdaşlıq edilir. Azərbaycanın qaz təminatının yaxşılaşdırılması üçün böyük layihə hazırlanıb.

"Azərqaz" 3 pilləli sistemlə idarə olunacaq. Ən üst pillə Dövlət Neft Şirkəti, sonra Azəriqaz, sonra isə yerlərdəki qaz idarələri. Bunların xaricindəki qurumlar ləğv ediləcək. Layihə təxminən 4 milyard manata başa gələcək. Sistemin tətbiqi ilə ödəmələr və idarəçilik kompyuterlə həyata keçiriləcək. Bununla həm subyektiv amillər aradan qaldırılacaq, həm də qaz itgi və israfının qarşısı alınacaq. Bütün abonentlər smart sayğac sisteminə keçəcək. Yəni bütün ölkədə qaz sayğacları yenidən dəyişdiriləcək. Yeni sayğaclarla abonent istifadə edəcəyi qazın miqdarını kontur kimi karta yükləyəcək.

Layihə çərçivəsində infrastrukturda da böyük dəyişikliklər olacaq. Məsələn təkcə Bakıda normal qaz təchizatını təşkil etmək üçün 1470 kilometr boru tələb olunur.

Dövlət Neft Şirkəti kadr hazırlığına da diqqət ayırır. Şirkət universitet tələbələri üçün təsis etdiyi təqaüdləri sahiblərinə təqdim edib. Müxtəlif universitetlərin 100 tələbəsi hər ay dövlət neft şirkətindən 70 manat təqaüd alacaqlar. Tələblərə kartları Rövnəq Abdullayev və Təhsil nazirinin müavini Elmar Qasımov veriblər.