Bununla əlaqədar, respublika daxilində hərəkət edən sərnişin qatarlarının hərəkətinə surət məhdudiyyəti tətbiq olunub. Bu barədə «APA-ECONOMICS»ə «Azərbaycan Dəmir Yolları» QSC-nin mətbuat xidmətinin rəisi Nadir Əzməmmədov məlumat verib.

«Məhz bu səbəbdən sərnişin qatarlarının mənzil başına və geriyə hərəkətində müəyyən gecikmələr qeydə alınır. Belə ki, fevralın 5-də Şimal istiqamətində hərəkət edən 55-56 saylı Bakı-Moskva sərnişin qatarları saat 19:50-də, 373-374 saylı Bakı-Tümen qatarı saat 17:00-da cədvəl üzrə yola duşəcək, Tümen-Bakı qatarı isə cədvəl üzrə saat 18:37-də Bakıya gələcək», - deyə N.Əzməmmədov bildirib.

Buna baxmayaraq, yerli istiqamətdə hərəkət edən sərnişin qatarları Bakıdan cədvəl üzrə yola düşəcək.

Havaların kəskin pisləşməsi ilə bağlı «Azərbaycan Dəmir Yolları» QSC-nin kollektivi gücləndirilmiş iş rejiminə keçib, yolların qardan təmizlənməsi işləri aparılır.