Cəlilabad rayonu Uzuntəpə kəndində, 1960-cı il təvəllüdlü Camalova Gültəkin İmran qızının yaşadığı evdə məişət qazının sızması nəticəsində partlayış baş verib.
G.Camalova evdə qaz iyi hiss edib. Qonşusu, 1993-cü il təvəllüdlü Həsənov Bayram Vaqif oğlu yoxlamaq istəyərkən kibrit yandırıb və nəticədə partlayış baş verib.
Hər iki şəxs müxtəlif dərəcəli yanıqlarla Cəlilabad Rayon Mərkəzi Xəstəxanasına yerləşdiriliblər.
Xəstəxananın növbətçi həkimi Yusif Xankişiyevin verdiyi məlumata görə, B.Həsənovun əl və üz nahiyəsindəki yanıqlar ağır olduğundan, xəstə Bakıya göndərilib. G.Camalovanın vəziyyəti sabit qiymətləndirilir.